पोखरामा एटिएम मेसिन फोर्ने नवलपुरका २१ वर्षीय अनिष पक्राउ

पोखरा। एटिएम मेसिन फोरेर चोरी गरेको आरोपमा कास्की प्रहरीले एकजनालाई पक्राउ गरेको छ ।

पक्राउ पर्नेमा जिल्ला पूर्वी नवलपरासी देवचुली नगरपालिका ५ घर भई हाल पोखरा महानगरपालिका वडा नम्बर ३० हुँडाको मुख बस्ने वर्ष २१ का भेडे भन्ने अनिश तामाङ रहेका छन् । जिल्ला प्रहरी कार्यालय कास्कीले आइतबार कार्यालयमा पत्रकार सम्मेलन गरी घटनाका सम्बन्धमा जानकारी दिएको छ।

प्रहरीले तामाङलाई नेपाल भारत सिमानानजिक बेलहिया रुपन्देहीबाट २ भदौमा पक्राउ गरी पोखरा ल्याएको कास्कीका प्रहरीले जानकारी  दिएको छ। तामाङ ६/७ महिना अगाडिदेखि पोखरा ३० सिसुवास्थित एक हार्डवयर पसलमा काम गर्दै आएका थिए ।

घटना विवरणअनुसार पक्राउ परेका तामाङले केही मिनेटको फरकमा दुई बैंकको एटिएम फोर्ने प्रयास गरेका थिए । एउटा फोरेर पैसा निकाल्न सफल भएका थिए भने अर्को फोर्ने प्रयास गरेका थिए ।