प्रथम खुल्ला नकआउट वडाध्यक्ष कप फुटबल प्रतियोगिता: अभिषेक चर्च रजहर विजयी

राजु चापागाई, देवचुली ।देवचुलीमा संचालित प्रथम खुल्ला नकआउट वडाध्यक्ष कप फुटबल प्रतियोगिताको आजको खेलमा अभिषेक चर्च रजहर विजयी हुँदै क्वाटर फाईनलमा प्रवेश गरेको छ ।

देवचुली वडा नम्बर- १० को समन्वयमा शान्ति दीप युवा क्लबको आयोजनामा शान्ति दीप युवा क्लबको खेल मैदान देवचुली १० मा संचालित प्रतियोगिताको चोरमारा युवा क्लब र अभिषेक चर्च रजहर बीच भएको खेलमा अभिषेक चर्च रजहर ५-० गोल अन्तरले विजयी भएको छ । आजको खेलमा अभिषेक चर्च रजहरको तर्फबाट युमीले २, साहिद, लुकास तामाङ र राज भुसालले १/१ गोल गरेका थिए । आजको खेलमा अभिषेक चर्च रजहरका युमी उत्कृष्ट खेलाडी भएका थिए ।

१६ टिमको सहभागिता रहेको प्रतियोगितामा प्रथम हुने टिमले नगद रु १ लाख २१ हजार ,प्रमाणपत्र,मेडल र ट्रफी प्राप्त गर्नेछ भने द्वितीय टिमले नगद रु ७५ हजार ,प्रमाणपत्र,मेडल र ट्रफी प्राप्त गर्नेछ । सेमिफाइनलमा पुग्ने टिमले रु ११ हजार प्राप्त गर्नेछन् । त्यस्तै खेलमा सर्वोकृष्ट गोलरक्षक , सर्वोकृष्ट खेलाडी र सर्वाधिक गोलकर्तालाई पुरस्कारको व्यवस्था रहेको आयोजकले जनाएको छ । प्रतियोगिता अन्तर्गत बुधबार आयोजक शान्ति दीप युवा क्लब र युनाइटेड युवा क्लब गिरवारीबीच खेल हुने क्लबका सचिव डण्डापानी न्यौपानेले बताए ।